Hér er kominn einn gneistandi góður sem hressir, bætir og kætir. Uppskriftin er fengin af vefsíðunni SimpleGreenSmoothies en möndlusmjörið og haframjölið setja forvitnilegan og freistandi blæ á þennan frískandi drykk, sem er alveg óhætt að framreiða jafnt fyrir börn og fullorðna.

Uppskrift: 

120 grömm ferskt grænkál

4 dl ósæt möndlumjólk

4 dl ber að eigin vali (frábært er að nota frosin ber í blönduna)

1 frosinn og niðursneiddur banani

2 msk möndlusmjör (má skipta út fyrir hnetusmjör)

½ dl fínmalað haframjöl

*Byrjið á því að setja grænkál og möndlumjólk í blandarann og blandið vel saman. Bætið að því loknu berjunum, möndlusmjörinu, banana og haframjöli út í og hrærið vel þar til allt er orðið mjúkt og jafnt. Hellið í upphá glös og njótið – tilvalið fyrir tvo!