Hráefni:

•  1 laukur saxaður smátt
•  5 msk smjör
•  2 brauðsneiðar, rifnar smátt niður
•  3 msk mjólk
•  600 gr nautahakk
•  1 stórt egg
•  1 tsk salt og ½ tsk svartur pipar
•  ¼ tsk múskat
•  ½ tsk hvítlauksduft
•  1 msk Worcestershire sósa
• 1 msk ólívuolía
•  2 msk hveiti
•  4 dl nautasoð
•  1 1/2 dl rjómi
•  ½ – 2 tsk sætt sinnep

Aðferð:

1. Hitið 1 msk af smjöri á pönnu og steikið laukinn í 3-5 mín. Færið laukinn þá af pönnunni og leggið til hliðar í skál.

2. Setjið brauðbitana í  stóra skál og hellið mjólkinni yfir. Leyfið þessu að standa í 5 mín. Blandið næst steikta lauknum, hakkinu, eggi, salti, pipar og hvítlauksdufti saman við brauðið og hnoðið þetta vel saman með höndunum. Mótið þetta í litlar kjötbollur.

3. Hitið næst 1 msk af smjöri á pönnu og steikið kjötbollurnar þar til þær hafa brúnast á öllum hliðum. Færið þær yfir á disk eða fat. Notið sömu pönnu og hitið 3 msk af smjöri. Hærið hveitið saman við smjörið og hellið næst nautasoðinu saman við í skömmtum og hrærið stanslaust í þessu á meðan. Hellið rjómanum saman við.

4. Kryddið þetta til með hvítlauksdufti, 1/2 tsk af sætu sinnepi og Worcestershire sósunni og náið upp suðu. Leyfið þessu að malla stutta stund eða í 6-9 mín. Smakkið þetta til með meira sinnepi, salti og pipar. Færið næst bollurnar yfir á pönnuna og leyfið þeim að hitna í gegn áður en þetta er borið fram.