Ofurfyrirsætan Cara Delevingne er gengin í það heilaga með fallegu unnustu sinni, Ashley Benson. Giftu þær sig í lítilli kapellu í Las Vegas, á Las Vegas Boulevard og var hún með Elvis-þema.

Fáir gestir voru við athöfnina, en þeir voru ekki af verri endanum – Carlize Theron, The Jonas Brothers og Sophie Turner, og þau voru öll svartklædd.

Létu brúðhjónin svo taka myndir af sér í bleikum Cadillac eftir athöfnina.

„Þær voru alveg handvissar um hvað þær væru að gera og mjög ástfangnar,” sagði Michael Kelly, eigandi kapellunnar: „Þær voru mjög helgaðar hvor annarri og brostu út að eyrum. Þeim var mjög alvara en höfðu líka mjög gaman. Þær vildu hafa þetta svona – einfalt og hljóðlátt.”

Ashley og Cara sáust kyssast fyrst á Heathrow flugvellinum í London í ágúst 2018. Skömmu seinna fóru þær saman heim úr afmæli Kylie Jenner.

Þær sáust svo í rómantísku sumarleyfi í sumar í St. Tropez.