Tilvonandi brúður á varðbergi: Jennifer Lopez er sögð hafa unnustann fjölþreifna, Alex Rodriguez í „stuttri ól“ þegar hann kemur með í tónleikaferð með henni.
Samkvæmt heimildarmönnum er dívan hrædd um að A-Rod kunni ekki að hegða sér í kringum dömur, þannig hún hefur varann á.
„Jennifer hefur afar skipulega dagskrá þar sem allt sem Alex kemur nálægt er á dagskrá – sérstaklega hvar hann á að vera og hvenær,“ segir heimildarmaður við InStyle. Einnig segir hann að söngkonan hafi „teymi“ af fjórum náungum sem „vakta hann 24/7,“ jafnvel þó þeir séu ekki fagmenn.
„Alex réði þessa gaura í ræktinni,“ segir hann. „Hann er bara venjulegur auli sem hefur aldrei farið í tónleikaferðalag áður.“
Alex, sem lék með New York Yankees, hefur verið iðinn við kolann. Hann hefur skipst á myndum, kynferðislegum skilaboðum og reynt að fá að hitta fitnessmódelið Lauren Hunter árið 2017, nokkrum mánuðum eftir að hann var farinn að hitta Jen.
Svo hefur breska klámstjarnan Zoe Gregory sagt að Alex hafi sent myndir af „draslinu sínu“ til hennar og grátbeðið hana um trekant, rétt áður en hann bað J.Lo á Bahamaeyjum.
Jose Canseco segir einnig að A-Rod hafi haldið framhjá með fyrrum konu sinni, Jessicu.
Jennifer hefur aldrei neitað framhjáhaldsásökununum beint heldur sagt: „Það skiptir ekki máli. Ég veit sannleikann. Ég veit hver hann er. Hann veit hver ég er.“
