Summer Brown var skotin til bana fyrir utan húsið hennar í Arizona síðastliðinn miðvikudag, þann 3. apríl. 20 ára gamall maður að nafni Joshua Gonzalez fylgdi bíl fjölskyldunnar að húsi þeirra í ökureiði og skaut síðan Summer Brown og pabba hennar Dharquintium Brown í gegnum bílinn þeirra. Þau voru bæði flutt á spítala en læknar náðu ekki að bjarga lífi litlu stúlkunnar og hún dó seinna um kvöldið.

Fjölskyldan var að keyra heim þegar að þau mættu bíl á gatnamótum og elti hann þau að húsi þeirra og þegar að pabbi stúlkunnar steig út úr bílnum til þess að spyrja ökumanninn hvað væri í gangi, dróg hann upp byssu og skaut Dharquintium og 10 ára dóttur hans í gegnum bílinn. 12 ára systir hennar og móðir voru líka í bílnum en sluppu naumlega.  Summerbell brown var sögð vera ljúfasta manneskja á þessari jörðu, henni þótti vænt um alla, hún var klár, og elskaði fimleika og að dansa.

Í viðtali við pabba stúlkunnar sagði hann „Ég horfði á hana deyja, ég bið til guðs að enginn annar þurfi að upplifa þetta, hún dó fyrir framan mig.” „Hún hallaði sér fram og horfði á mig og ég sagði við hana „barnið mitt.”Móðir stúlkunar Taniesha Brown sagði „Það var engin ástæða fyrir því að taka hana frá okkur svona. Ég vildi að þetta hefði verið ég en ekki barnið mitt. Þessi martröð mun spila í hausnum mínum á hverjum einsta degi, ég get ekki sofið. Ég vona bara að hún sé á betri stað núna.”

Stuttu seinna var gonzales handtekinn og kærður fyrir morðið á Summer Brown.