Stórstjarnan Lady Gaga hefur nú slitið trúlofuninni við umboðsmanninn Christian Carino. Heimildarmaður sagði við People: „Þetta bara gekk ekki upp. Sambönd enda stundum.“
Margir voru hugsi þegar Gaga mætti á Grammy verðlaunahátíðina án trúlofunarhringsins.
Fólk veltir fyrir sér hvort upp úr sambandinu hafi slitnað vegna þess að Gaga lék á móti Bradley Cooper í A Star is Born. Renndi uppákoma í Las Vegas stoðum undir þessa kenningu en Bradley kom óvænt fram á sýningu Lady Gaga og virtust þau mjög náin.
Einhver sagði á Twitter: „Ég vildi óska þess að þessi tvö ættu alvöru ástarsögu miðað við hvernig þau horfa á hvort annað.“
Annar sagði: „Það eru ótrúlegir straumar á milli þeirra.“
Margir veltu vöngum yfir því af hverju Bradley væri eiginlega í Vegas og vildu margir meina að meira en eitthvað lítið væri á milli þeirra.
„Finndu einhvern sem horfir á þig eins og Bradley Cooper horfir á Lady Gaga.“
Vá!
Bradley hefur samt verið í sambandi við Irina Shayk síðan árið 2015 og eiga þau barn saman…þannig erfitt er að ímynda sér að þau ætli að stinga af saman. Annað eins hefur þó gerst, ekki satt?
Nýtt húðflúr Lady Gaga er sagt vera helgað Bradley…. Það táknar GAGA en er BCBC í nótum. Hmmm….gæti þetta verið?
t
