Söngkonan Miley Cyrus hefur ekki áhuga á að hætta kannabisreykingum og truflar það kærastann Liam Hemsworth. Þau hafa ákveðið að bíða með að gifta sig og virðist ósætti þeirra vaxa dag frá degi, samkvæmt Life & Style.
Vinur parsins hefur látið hafa eftir sér að þau hafi nýverið lent í hörkurifrildi vegna þess að honum fannst hún reykja of mikið gras: „Hún var öskrandi á hann, segjandi honum að hann væri að halda aftur af henni og láta hana leyna því hver hún raunverulega væri.“ Skömmu seinna sleit hún trúlofuninni.
Auglýsing
„Þau eru enn reið og í uppnámi,“ viðurkennir vinurinn. Liam er þó ekki tilbúinn að hætta í sambandinu: „Hann vonast til að þau geti leyst úr sínum málum.“
