Ásthildur Gunnlaugsdóttir, förðunarfræðingur og stofnandi Mist & Co.
Hlaðvarpið …
Þegar kemur að hlaðvörpum verð ég að játa að ég er mikið fyrir True Crime, sannar glæpasögur. Þá stendur upp úr Crime Junkie en annars finnst mér gaman að hlusta á samtöl um fréttir og dægurmál.
Bókin …
Sú bók sem hefur haft mest áhrif á mig er líklegast Rich Dad, Poor Dad en þótt hún sé umdeild þá kennir hún manni margt um fjármál. Í bókinni fer höfundurinn Robert Kiyosaki yfir það hvernig á að hugsa um peninga með jákvæðum hætti og tekur ýmsar dæmisögur úr eigin æsku. Annars þykja mér bækur tengdar áhugamálum mínum alltaf skemmtilegar, má þar nefna bækur um matjurtir, húðumhirðu og kokteila.
