Hráefni kjötbollur:
- 350 gr nautahakk
- 350 gr grísahakk
- 2 dl panko brauðraspur
- 1/2 dl mjólk
- 1 stórt egg
- 1 laukur smátt skorinn
- 2 hvítlauksgeirar rifnir niður
- 1 tsk sjávarsalt
- 1/4 tsk múskat
Hráefni sósa:
- 2 msk ólívuolía
- 2 msk smjör
- 3 msk hveiti
- 5 dl nautasoð
- 1/2 dl mjólk
- 1/2 dl rjómi
- 1 msk rifsberjasulta (má vera hvaða sulta sem er)
- svartur pipar
- salt eftir smekk
Aðferð:
1. Setjið allt hráefnið sem á að fara í kjötbollurnar í skál og blandið vel saman með höndunum. Mótið síðan kjötbollur í hæfilegri stærð. Steikið síðan bollurnar upp úr 1 msk ólívuolíu og einni matskeið af smjöri þar til þær hafa brúnast vel á öllum hliðum. Færið þær síðan yfir á disk eða bakka á meðan sósan er löguð.
2. Notið sömu pönnu og áðan (ekki þrífa hana á milli). Stráið hveiti yfir pönnuna, og látið það þykkna upp í fitunni sem er ennþá á pönnunni eftir steikinguna. Bætið síðan nautasoðinu og pískið þetta vel saman. Bætið síðan mjólk, rjóma og sultu saman við og látið sjóða í 1 mín. Þá fara bollurnar saman við sósuna og þetta látið malla þar til bollurnar eru alveg eldaðar í gegn og sósan hefur þykknað vel upp, c.a 10 mín.
