• 3 kjúklingabringur
• 2 tsk ítalskt krydd
• salt og pipar eftir smekk
• 2 msk smjör
• 3 msk ólívuolía
• 250 gr kartöflur,skornar til helminga

Dijon rjómasósa:

• 1 msk smjör
• 1 tsk rifinn hvítlaukur
• 2 1/2 dl kjúklingasoð
• 2 msk dijon sinnep
• 2 1/2 dl rjómi
• 1/2 tsk salt
• 1/4 tsk svartur pipar

Aðferð:

1. Setjið kjúklingabringurnar í skál ásamt 1 msk ólívuolíu, salti, pipar og ítölsku kryddi. Blandið þessu vel saman. Gerið það sama við kartöflurnar í annarri skál.

2. Hitið 1 msk smjör ásamt 1 msk ólívuolíu á stórri pönnu (sem má fara inn í ofn). Setjið kjúklingabringurnar á helminginn af pönnunni og kartöflurnar á hinn helminginn.Steikið þetta í 3-4 mín, snúið þá bringunum við og steikið áfram í 3-4 mín. Hrærið einnig reglulega í kartöflunum. Færið þetta næst yfir á disk eða fat.

3. Notið sömu pönnu, hitið 1 msk af smjöri og steikið hvítlauk í 1 mín. Hrærið þá kjúklingasoðinu saman við ásamt dijon sinnepi. Næst fer rjóminn útá ásamt salti og pipar. Leyfið þessu að malla í 2 mín. Færið þá kjúklinginn og kartöflurnar aftur á pönnuna og pannan fer inn í 180 gráðu heitann ofn í 15-20 mín. Berið fram strax.