Karamellufylling:
- Salt-karamellusósa, fæst tilbúin í matvöruverslunum t.d. Hagkaup
- Botninn:
- 5 dl Graham hafrakex
- 2 msk sykur
- 2 msk ljós púðursykur
- 10 msk smjör
- ¼ tsk sjávarsalt
Rjómaostafylllingin:
- 2 1/2 dl kaldur rjómi
- 700 gr rjómaostur
- 1 dl sykur
- 2 msk flórsykur
- 1/2 dl sýrður rjómi við stofuhita
- safinn af 1/2 sítrónu
- 1 tsk vanilludropar
Á toppinn:
Tilbúin karamellusósa
Saxaðir súkkulaði eða karamellubitar til skrauts
Aðferð:
1. Myljið kex í skál ásamt sykri, púðursykri og salti og blandið öllu vel saman. Bræðið næst smjörið, hellið því saman við og blandið öllu vel saman. Þrýstið kexblöndunni í botninn á smelluformi og setjið formið í frysti í nokkrar mínútur.
2. Takið formið úr frystinum, hellið saltkaramellu yfir og dreifið vel úr sósunni. Setjið formið inn í kæli í 30 mín eða á meðan rjómaostafyllingin er útbúin.
3. Þeytið rjóma og setjið hann í skál og leggið til hliðar. Þeytið næst rjómaost, sykur og flórsykur á miðlungshraða í um 3 mín. Bætið þá sýrðum rjóma, sítrónusafa og vanilludropum saman við og hrærið þetta aftur í 2 mín. Stillið þá á lægstu stillingu, blandið þeytta rjómanum saman við og þeytið hann saman við í 10 sekúndur.
4. Hellið þessu næst í formið með kexbotninum. Leggið plastfilmu yfir og látið inn í ísskáp í nokkrar klukkustundir. Þegar kakan er borin fram er hún tekin úr forminu og saltkaramellusósu „drisslað“ yfir hana ásamt söxuðu súkkulaði eða söxuðum karamellum.
