Hráefni:

• 450 gr kjúklingalundir
• 5 hvítlauksgeirar saxaðir niður
• 2 msk Sriracha sósa
• 3 cm engifer bútur, rifinn niður
• 4 msk ólívuolía
• 2 msk sojasósa
• 2 msk eplaedik
• safinn af 1 límónu
• 1 msk sykur
• ferskt kóríander ( má sleppa )

Aðferð:

1. Blandið öllum hráefnum saman í skál og leyfið kjúklingnum að marinerast þessu í minnst 1 klst inni í ísskáp. Takið kjúklinginn úr ísskápnum 15 mín áður en hann fer inn í ofninn.

2. Hitið ofninn í 200 gráður. Setjið kjúklinginn í eldfast form og bakið hann í 25-30 mín. Á meðan kjúklingurinn er í ofninum þá er afgangs marineringin úr skálinni sett í lítinn pott og hituð aðeins upp. Þegar kjúklingurinn er eldaður í gegn er hann tekinn úr ofninum, sósunni úr pottinum hellt yfir og toppað með kóríander. Berið fram með hrísgrjónum eða fersku salati.