Ef áfengir kaffidrykkir höfða til þín, er Irish Coffee sennilega ofarlega á óskalistanum. En því ekki að krydda írska kaffidrykkinn örlítið – jafnvel með dísætu kanelsýrópi og bitter? Hér fer uppskrift að örlítið frábrugnu írsku, áfengu kaffi með örfáum dropum af bitter og smellpassar í bústaðinn á svölu laugardagskvöldi.
U P P S K R I F T:
45 ml írskt viskí (Tullamore Dew t.a.m.)
33 ml kælt, nýuppáhellt kaffi
22 ml Galliano
14 ml kanelsýróp (sjá uppskrift að neðan)
½ tsk Angoustra bitter
Þeyttur rjómi og malaður kanell (til að toppa drykkinn)
L E I Ð B E I N I N G A R:
Setjið viskí, kaffi, líkjör, kanelsýróp og bitter í kokteilhristara, fyllið upp með ísmolum og hristið þar til kokteilhristarinn er orðinn hrímaður að utan; u.þ.b. 30 sekúndur. Sigtið ofan í upphátt Irish Coffee glas og reiðið fram með þeyttum rjóma og möluðum kanel.
K A N E L S Ý R Ó P – U P P S K R I F T
40 gr – Brúnn hrásykur (Demera sykur)
1 kanelstöng – hlutuð í litla búta
0.8 dl vatn (⅓ bolli)
Setjið vatnið, brotna kanelstöngina og hrásykurinn í lítinn pott og hitið upp að suðumarki. Takið af hellunni og látið kólna í pottinum í ca. 15 mínútur. Sigtið nú sýrópið í loftþéttar umbúðir, setjið tappann á og kælið vel.
Sýrópið hefur u.þ.b. 4 vikna geymsluþol – geymist í kæli.
