Sannleikurinn er oft fólginn í litlu hlutunum; því sem erfitt er að koma auga á við fyrstu sýn. Þannig er því farið um einstaklingsbundið eðli okkar allra. Það eru litlu venjurnar sem koma upp um okkur.
Uppáhalds kynlífsstellingin þar meðtalin, sem getur afhjúpað ákveðin skapgerðareinkenni. Hvernig elskhugi eða ástkona þú ert, segir heilmikið um persónuleika þinn. Enda er erfitt að neita því að eigingjarn elskhugi eða ástkona er eigingjörn manneskja … en ef letin er við völdin í svefnherberginu, gildir það sama í daglegu lífi.
Hér fara nokkrar algengar kynlífsstellingar sem gefa vísbendingar um hvernig einstaklingur er á ferð; hvað segir uppáhalds stellingin þín um persónuleika þinn? Eða maka þíns? Ástkonu? Elskhuga? Líttu á og vittu til; þetta er glettilega nákvæmt!
Kúrekastúlkan // Konan ofan á
Þú þarf að vera við stjörnvölinn; halda um taumana … ráða ferðinni. Þér er alveg sama þó markmiðum þínum fylgi álag og aukavaktir, svo lengi sem þú nærð á leiðarenda. Þú færð alltaf það sem þú vilt…eða oftast alla vega. Þú ert sjálfsörugg persóna og dregur að þér athygli hvert sem þú ferð. Þú ert óhrædd við að axla ábyrgð. Þú veist að svo lengi sem þú stjórnar hraðanum, verður ferðalagið æsispennandi.
Aftan frá // Doggy
Þú elskar valdaleiki og það að láta maka þinn halda að hann eða hún hafi ákveðið vald yfir þér … meðan sannleikurinn er sá að það ert þú sem heldur um stjórntaumana. Því er eins farið um svefnherbegisvenjurnar og í daglegu lífi; þú nýtur þess undir niðri að láta að stjórn styrkrar persónu – jafnvel þó þú hafir fullkomið vald á aðstæðum undir niðri. Þér finnst æðisgengið að láta aðra þjóna þörfum þínum, meðan þú nærð leyndu hreðjataki á þeim sömu. Þú vilt að allir fái að njóta sín … svo lengi sem þú klárar fyrst/ur.
Skeiðarstellingin // Spúnið
Þú ert nautnafull manneskja og líður afar vel í eigin skinni. Þú nýtur þess kunnuglega til fullnustu og þú skammast þín ekkert fyrir að segja það. Þú kannt vel að meta nánd og hlýju, þægindi og nautnir. Þú ert ekkert gefin/n fyrir að rugga bátnum. Þú ert þægileg og afslöppuð manneskja í daglegu lífi. Spenna höfðar einfaldlega ekki mikið til þín og þú veist að það er ekkert athugavert við það. Þú veist upp á hár hvað þér líkar og svo vill til að þér líður best í þægilegum og afslöppuðum kringumstæðum. Að því er enda engin skömm.
Sextíu og Níu // 69
Ok. Þú ert pínu gamaldags og sérvitur. Þú ert trúr eigin sjálfi og óafsakanlega blátt áfram og einstök manneskja. Þú þrífst á því að veita öðru fólki ánægju og lítur svo á að aðrir verði að veita þér sömu ánægju í skiptum. Þú ert skapandi uppreisnarseggur, úthverfur einstaklingur, hugsjónamanneskja og til í allt. Þú hugsar út fyrir rammann og hunsar almenn mörk. Lífið er einfaldlega of stutt fyrir mörk og reglur.
Skærin // Klippið
Þú ert voguð manneskja sem tekur alltaf vel á móti hressilegri áskorun. Ef keppt er til verðlauna ertu fyrst/ur að skrá þig til leiks og berst til síðasta blóðdropa. Þú ert ósvikinn frumkvöðull, en eins og allir vita er ekki auðvelt að ná hámarkinu í skærastellingunni. En þér er alveg sama; þú skorast ekki undan, sama hvað gengur á. Þú hefur næmt skyn á nautnir og leggur metnað þinn í að fullkomna getuna í svefnherberginu. Þú ert ákveðin, einbeitt persóna og rétt eins og uppáhalds kynlífsstellingin þín, lýtur þú ekki í lægra haldi fyrir lífinu.
Öfug kúrekastúlka // Konan ofan á – aftur á bak
Í fyrsta lagi ertu manneskja sem nýtur þess að horfa á afturenda annarra. Þú ert kjaftæðislaus einstaklingur sem kemur hreint til dyranna og kærir þig ekki um neitt tilfinningaflóð. Þú ert augljóslega einlægur aðdáandi rassa og ert til í allt sem inniheldur snertingu við afturenda. Þú ert líka kvikur og kattliðugur einstaklingur, sem mótherjar þínir í rúminu munu læra að meta til fullnustu. Þess utan geislar þú af sjálfsöryggi og ert fullviss um eigið ágæti. Ekkert getur slegið þig út af laginu, þú kallar hlutina sínum réttu nöfnum og ert til í allt.
Trúboðinn // Maðurinn ofan á
Þú ert einlæg, heilsteypt og blátt áfram manneskja. Þó einhverjir segi að þú sért óspennandi, er það alger misskilningur. Þeir hinir sömu kunna ekki að meta velvilja þinn og blíðlyndi. Þú ert alvörugefin, heiðvirð og traust manneskja. Þú óttast hvorki skuldbindingu né nánd. Í raun og veru ertu að leitast eftir slíku sambandi og kannt betur við að eiga fastan rekkjunaut en að standa í eilífum skyndikynnum. Þú ert með lífið í föstum skorðum og þú viðheldur daglegri rútínu. Þú þarft ekkert að fá einhverja skyndiárás eða gera eitthvað alveg klikkað. Þú kýst fremur að sigla lygnan sjó en að rugga lífsbátnum. Þú ert í fáeinum orðum sagt einstaklega viðkunnaleg manneskja.
Standandi // Upp við vegg
Þér finnst ótrúlega kynæsandi að finna til eigin styrkleika og máttar. Það eitt að geta sýnt fram á eigin yfirburði æsir þig ótrúlega upp. Þú ert enginn vitleysingur eða neitt í þá veru; þú hefur einfaldlega sterka útgeislun og líkar einstaklega vel að vera í sviðsljósinu. Þú ert stórkostlegur elskhugi / ástkona þar sem þú ert alltaf reiðubúin/n að leggja örlítið meira erfiði á þig. Þú þekkir ekki hugtakið LETI og elskar áskoranir og það að standa uppi sem sigurvegari.
