Auglýsing
Leikarinn Jamie Foxx greindi frá andláti systur sinnar, Deondra Dixon, í gærkvöldi. Deondra, sem var með Down´s heilkenni, var einungis 36 ára gömul þegar hún lést þann 19. október síðastliðinn.
Hann birtir mynd af þeim systkynum á Instagram þar sem hann skrifar að hjarta hans sé í molum.
„Allir sem þekktu systur mína vissu hversu skært ljós hún var. Það voru ófá skiptin sem við héldum partý heima og hún stökk á dansgólfið og stal senunni.“
„Ég veit að hún er í himnaríki núna, dansandi með vængina sína og þrátt fyrir ólýsanlegan sársauka þá brosi ég þegar ég hugsa um allar góðu minningarnar sem hún skilur eftir sig.“
