Friends leikarinn Matthew Perry, sem hefur háð grimma baráttu við bakkus, sást með ónefndru konu í vestur-Hollywood sunnudaginn 3. nóvember. Þau höfðu fengið sér snæðing á ítalska veitingastaðnum Dan Tana’s og spjölluðu fyrir utan þar sem Matthew fékk sér sígarettu.
Var leikarinn frekar sjúskaður í köflóttri skyrtu, svörtum buxum og hvítum bol.
Þau virtust náin, að minnsta kosti tók hann í eitt sinn um mitti konunnar. Þau sjást fagna sameiginlegri vinkonu áður en þau fara inn í svartan bíl saman.
Matthew Perry hefur oft átt frægar kærustur í gegnum tíðina, s.s. Juliu Roberts og Lizzy Caplan, en hefur ekki verið orðaður við neina síðan árið 2012.
Matthew hefur í mörg ár átt við áfengis- og eiturlyfjafíkn að stríða og síðast í sumar hafði hann hreiðrað um sig á hóteli í New York þar sem hann sást fullur. Hann hefur einnig verið í meðferðum á spítala en ekki er nákvæmlega vitað af hverju. Á hótelinu var hann sagður vilja halda sig út af fyrir sig, annaðhvort inni á herbergi eða á VIP svæðinu. Fáir höfðu þó þekkt hann því hann er afar ólíkur hinum hressa Chandler úr Friends þáttunum.
Perry, sem lokaði áfangaheimilinu The Perry House árið 2016, er sennilega ekki edrú lengur. Hann fór fyrst í meðferð árið 1997, svo 2001 og svo er vitað um meðferð árið 2011. Árið 2013 opnaði hann The Perry House og var ólmur að takast á við lífið. Árið 2013 ræddi hann einnig við tímaritið People um áfengið og dópið en viðurkenndi að þó hann hafi aldrei „verið í vímu í vinnunni“ hafi hann verið „sjúklega, sjúklega þunnur“ stóran hluta þess tíma sem Friends þættirnir voru teknir upp.
