Þetta hlýtur að vera martröð Kim Kardashian, en eiginmaður hennar játaði í viðtali við DJ Zane Lowe að hann væri háður klámi: „Playboy var flóttinn minn og beindi mér í átt að klámfíkn,“ segir Kanye. „Klám hefur haft áhrif á allar ákvarðanir mínar frá fimm ára aldri þar til nú.“
Hann hélt áfram: „Sumir drekkja sér í dópi. Ég drekki mér í minni fíkn,“ segir Kanye (42). Segir hann „kynlíf fóðra egóið“ einnig.
Þetta er þó ekki í fyrsta sinn sem Yeezy opnar sig varðadi hversu heillaður hann er af klámi: „Eina dópið mitt er klám. Ég er alltaf með klám með mér. Þegar ég fer í klámbúðina, ég kalla það krakkhúsið.“
Kanye ræddi líka geðhvarfasýkina og líkir sér við Nebúkadnesar, konungi Babýlonar til forna: „Nebúkadnesar var greindur með geðhvarfasýki. Hann var samt kíngur. Þannig ég var ekki bara greindur með geðsjúkdóm, það er eitthvað sem var áður notað til að draga mig niður. Til að hreinsa út úr mér, stjórna mér.“
„Ég elska þá staðreynd að ég get sýnt heiminum að ég sit hér með þessa greiningu, settur á lyf til að gera mig feitan af ástæðu. Þeir eru að reyna að drepa ofurhetjuna. Þannig ég er að reyna að sýna að einhver getur fengið greiningu og getur samt keyrt og stofnað milljarðafyrirtæki. Getur enn þjónað Kristi. Getur enn verið góður eiginmaður og faðir. Lífið er ekki búið með þessa greiningu og ég læt ekki útskúfa mig eða mismuna mér.“
Kanye hefur verið lagður inn út af sjúkdómnum en hann staðfesti greininguna opinberlega síðasta sumar. Nú finnur hann leiðir til að eiga við sjúkdóminn, til dæmis með því að stjórna messum á sunnudögum.
