Lítið hefur farið fyrir söngkonunni Christinu Aguilera (38) en hún hefur verið upptekin að stofna fjölskyldu. Hún leit út sem alveg ný mannskjan á heimsfrumsýningu kvikmyndarinnar The Addams Family um helgina.

Var Christina í þröngum svörtum kjól, með dökkan augnfarða, svartar neglur og tvo snákahringa. Hún er með afar stuttan topp og lét ljósa hárið falla niður axlirnar.

Var hún eins og Hollywoodútgáfan af Morticiu Addams þar sem hún gekk rauða dregilinn með kærastanum, gítarleikaranum Matthew Rutler og börnunum. Þau virtust öll vera í Addams Family-stílnum.

Charlize Theron leikur Morticiu Adams í endurgerð myndarinnar 2019 og Chloe Grace leikur Wednesday. Snoop Dogg leikur Cousin Itt.

Það er greinilegt að Christina og fjölskylda eru miklir aðdáendur! Hún hefur verið með Matthew síðan árið 2010. Þau hafa samt aldrei tjáð sig opinberlega um sambandið, þrátt fyrir að hafa eignast Summer Rain Rutler árið 2014, sem gerir hana fimm ára í dag. Christina á einnig Max Bratman sem er 11 ára en hún var áður gift Jordan Bratman, tónlistarframleiðanda. Þau voru gift frá 2005 til 2011.

Christina er sögð hafa farið í einhverjar lýtaaðgerðir, að minnsta kosti var eitthvað breytt við útlitið. Adam Schaffner lýtalæknir sem hefur ekki unnið með stjörnuna segir að það geti verið lýsingu eða farða um að kenna: „Það gæti verið að Christina hafi sett eitthvað á borð við fyllingarefnin Voluma, Bellafille eða Restylane í kinnarnar. Þær líta út fyrir að vera fyrirferðarmeiri. Hún hefur reynt að fylla upp í hrukkurnar til að líta út fyrir að vera yngri. Mér finnst þetta aðeins of mikið og hefði aðeins átt að fylla á kinnbeinunum.”

Christina hefur ekki selt jafn marga miða á tónleika eins og hún hefur óskað, en hún hefur líka verið langt niðri: „Hún átti að fara í viðtal í tímariti og taka myndir í norður-Kaliforníuríki. Allt starfsfólkið var mætt og hún bara eyðilagði myndatökuna með því að vera leið og utan við sig, þannig hætt var við allt saman,” segir einn starfsmaður í viðtali við Page Six.