Átta ára drengur batt sjálfur enda á ógeðfellt ofbeldi af hendi foreldra sinna með því að taka sitt eigið líf. Lögregla segir að hann hafi þurft að þola áralangt heimilisofbeldi.
Drengurinn, sem sagður er heita Anton, var reglulega beittur ofbeldi og laminn af foreldrum sínum.
Anton fannst á gangstétt fyrir neðan blokkina sem hann bjó í og var andlátið úrskurðað sem sjálfsvíg.
Foreldrar hans höfðu öskrað á hann þennan dag fyrir að skemma fötin sín. Nágranni fjölskyldunnar, Zhanna í Enerhodar í Úkraínu, segir: „Foreldrarnir voru að öskra á hann því fötin hans voru rifin. Ég heyrði þau einnig berja hann. Svo varð allt hljótt og ég heyrði hratt fótatak drengsins. Nokkrar sekúndur liðu og svo heyrði ég bara skellinn þegar líkami hans lenti á stéttinni. Ég leit út um gluggann og sá drenginn liggja þar. Ég hringdi á lögreglu og sjúkrabíl.“
Annar nágranni sagði: „Ég sá fjölskylduna fara upp í íbúðina. Tíu mínútum seinna lá drengurinn á götunni og foreldrar hans þustu niður gangana.“
Sjúkraliðar gátu ekki bjargað lífi Antons.
Lögreglurannsókn hefur verið hafin til að fá fullvissu um hvort foreldrar hans hafi uppfyllt skyldur sínar sem foreldrar.
Skólastjórinn Oksana Zelenska í skóla drengsins sagði: „Drengurinn var hafði misst mikið úr náminu og þurfti að taka fyrsta bekk aftur. Foreldrar hans höfðu engan áhuga á námsframvindu hans.“
Skólasálfræðingurinn Zoya Pershyna sagði „Anton kom í nokkra tíma til mín. Ég hefði ekki séð þetta fyrir.“
