Jenni Lee var og er enn heimsþekkt í fullorðinsmyndabransanum. Hún var orðin þreytt á því lífi hinsvegar og ákvað að reyna að finna hamingjuna annarsstaðar. Hún fann hana í holræsunum undir Las Vegas Strip – stærstu götu borgarinnar.

Fyrir nokkrum árum var Jenni Lee (raunverulegt nafn Stephanie Sadorra) eitt þekktasta andlit klámmyndabransans. Hún birtist reglulega í tímaritum á borð við Penthouse og Hustler og í allskonar klámmyndum. Árið 2009, fyrir tíu árum síðan, ákvað hún að hætta og einbeita sér að fyrirsætuferli sínum.

Í dag eru vefsíður enn með efni frá henni og á einni vefsíðu má sjá að 45.000 manns eru áskrifendur.

Í dag býr þessi 36 ára gamla kona í rúmlega 300 kílómetra löngum holræsagöngum, völundarhúsi sem leynist undir stjörnuborginni Las Vegas. Kvikmyndateymi fann hana þar sem það var að búa til heimildarmynd um göngin.

Þar fundu þeir Stephanie, en í manngerðum „helli” býr hún og notar vasaljós til að lýsa upp vistarverur. Aðspurð hvort hún hafi ekki verið fræg stjarna, sagði hún: „Jú, aðeins of. Ég var í raun mjög fræg. Ég ætti að vera á topp 100 listanum einhversstaðar. Ég var mjög heit.”

Stephanie, eða Jenni, var mjög brugðið þegar þeir áttuðu sig á hver hún væri, en hún flýtti sér að breyta umræðuefninu og sagði að það væri alveg frábært að búa í svona neðanjarðarsamfélagi: „Þetta er ekki jafn erfitt og þið haldið, allir eru mjög kurteisir. Allir eru góðir við hvern annan sem maður sér ekki allsstaðar. Ég er hamingjusöm, ég hef allt sem ég þarf hérna. Fólk tekur manni eins og maður er.”

Þegar hún var spurð um hvort hún hyggðist flytja úr göngunum, sem voru byggð upphaflega til að verja fólk fyrir skyndiflóðum, en hýsa nú þúsundir heimilislausra, segir hún að hún muni kannski gera það einhverntíma. Svo sagði hún að ekkert vatn væri þarna niðri. Ekki er alveg vitað af hverju Jenni ákvað að flytjast þangað – neðanjarðar. Göngin eru vel þekkt og verustaður allskonar fólks, s.s. þjófa, kynlífsvinnufólks og svikara.

Viðtalið má sjá hér að neðan: