Leikaraparið Blake Lively og Ryan Reynolds geta ekki beðið eftir þriðja barninu sem kemur á næstunni! Þau eiga börnin James (4) og Inez (2) fyrir.

Blake og bumban dveljast nú í Westchester, New York: „Blake hefur mjög gott öryggisnet þar,“ segir vinkona hennar í viðtali við Us Weekly. „Hún á margar vinkonur þar sem eru mömmur og elskar að fá þær í heimsókn þar sem börnin leika saman.“

Blake (31) sem áður lék í Gossip Girl, „frumsýndi“ bumbuna í skærgulum kjól á frumsýningu Pokémon Pikachu Detective í New York þann 2. maí síðastliðinn. Parið, sem gekk í það heilaga árið 2012, voru saman á dreglinum.

Leikkonan er staðráðin í að gefa börnunum frí frá sviðsljósinu: „Ryan var alinn upp á notalegan, venjulegan hátt og við viljum að börnin okkar upplifi það sama,“ sagði hún í viðtali við Marie Claire árið 2016. „Við viljum aldrei að þau verði af því sem við höfðum, því það væri bara sjálfselska.“