Leikarinn smávaxni, Tom Cruise, hefur hug á að flytja til Nýja-Sjálands, þar sem líklegt er að næstu tvær Mission Impossible myndirnar verði teknar.

„Kvikmyndaráð Nýja-Sjálands er að reyna að fá tökuliðið til að koma og taka myndirnar og Tom er 100% sammála. Hann hefur verið að láta fólk skoða hús í Nýja-Sjálandi í náttúrunni á South Island,” segir nafnlaus heimildarmaður í viðtali við TMZ.

„Skilyrðin eru hinsvegar þau að húsið verður að vera nálægt einkaflugvelli eða þyrlupalli því hann vill geta farið þegar honum sýnist. Það er líka ný bygging Vísindakirkjunnnar í Auckland sem hann vill geta farið í.”

Tom og dóttir hans Suri hafa ekki sést í mörg ár og er talið líklegt að Tom líti ekki á hana sem dóttur sína, eins og fjallað er um HÉR.

Ef hann flytur til Nýja-Sjálands, sem þykir líklegt að hann geri, verður hann enn fjær dóttur sinni. Honum er kannski alveg sama, ef marka má þessar sögusagnir. Tom býr nú í íbúð í Clearwater í Flórídaríki, en á ekki heimili á vesturströndinni eins og er. Hann deilir tímanum milli Clearwater og svo býr hann í íbúðum Vísindakirkjunnar og hótelum: „Hann hlakkar til að geta fest rætur á fallegum stað á næstunni.”

Suri býr hjá Katie Holmes í New York og eru þær nánar, eins og nýlegar myndir gefa til kynna.