Leikkonunni dáðu, Söndru Bullock, kemur ekkert sérstaklega vel saman við stjúpdætur! Heimildarmenn segja að dóttir Bryan Randall sem hefur verið í sambandi með Söndru í nokkur ár hafi þverneitað að búa með þeim, en Sandra á villu í Beverly Hills sem metin er á sex milljónir dollara.
Skylar Staten (25) er dóttir Bryans, en hún vill frekar hanga á subbulegum börum og búa í tveggja herbergja íbúð.
„Sky hefur nákvæmlega engan áhuga á að vera hluti af þessum glamúrheimi – hún talar mjög sjaldan við föður sinn. Hún vill ekki peningana hans og vill ekki sjást með þeim opinberlega. Hún vill bara venjulegt líf og notar ekki einu sinni föðurnafnið sitt,” segir vinur Skylar.
Skylar býr aðeins átta kílómetrum frá Söndru (55) og Bryan (53) og börnunum hennar, Louis (9) og Laila (7).
„Sandra hefur svo stórt hjarta og óskaði þess heitast að hún og Sky yrðu bestu vinkonur en þær eru svo sannarlega ekki nánar. Sky hefur átt mjög erfiða ævi og hún hefur næstum óbeit á Söndru. Hún lítur svo á að Sandra sé „ekki mamma hennar” og það er nóg.”
Janine Staten, móðir Skylar, var háð heróíni og lést af völdum of stórs skammts árið 2007. Þá var Skylar alin upp af ömmu hennar Perri sem lést tveimur árum seinna. Bryan flutti þá með dóttur sína til Los Angeles þar sem hún var í menntaskóla. Eftir háskólanám í Arizona flutti hún aftur til L.A.
Þetta er ekki í fyrsta sinn sem Sandra nær ekki til stjúpdóttur, en fyrrverandi maðurinn hennar, Jesse James, á dótturina Sunny. Eftir að upp komst um umfangsmikið framhjáhald hans sleit Sandra öllum tengslum við fjölskylduna, Sunny líka, en þetta gerðist árið 2010.
