Þriggja ára rússnesk stúlka var í fríi á Ibiza með fjölskyldu sinni þegar hún fann alsælutöflu á leikvelli. Stúlkan hélt að um sælgæti væri að ræða og stakk henni upp í sig.

Santa Eulalia er vinsæll ferðamannastaður á eynni Ibiza, austurströndinni, og var stúlkan á ferðalagi með móður sinni og tveimur systkinum.

Lögreglan telur að einhver hafi misst töfluna á leikvellinum, annaðhvort eiturlyfjasali eða -notandi.

Stúlkan var flutt í skyndi á spítalann Can Misses í gærmorgun, en var svo flutt með sjúkraflugi á Son Espases spítalann á eynni Majorka því ástand hennar var mjög alvarlegt og fór versnandi.

Lögreglan staðfestir að litla stúlkan hafi gleypt alsælutöflu sem hún fann á leikvellinum: „Hún var í fríi með fjöslkyldu sinni. Prófanir sýna og staðfesta að um alsælu (e. ecstacy) hafi verið að ræða og er málið rannsakað og litið alvarlegum augum.”

Santa Eulalia er þriðji stærsti bær Ibiza og er þekktur fyrir að vera fjölskylduvænn.