Nýjasta æðið hjá Hollywoodstjörnunum er býflugnarækt, hvort sem þú trúir því eða ekki. Scarlett Johansson, Morgan Freeman, Leonardo DiCaprio og rokkarinn Flea stunda öll þetta áhugamál og reisa „býflugnahallir” í görðum sínum.Brad Pitt fékk veður af þessu hjá Leo og er orðinn alveg smitaður af bakteríunni.

Hann telur að leiklistin megi bíða, enda sé hún fyrir yngri menn: „Ég raunverulega trúi því að þetta sé yngri manna spil,” segir hann um ferilinn. „Ég er farinn að gera minna og minna. Ég gæti verið risaeðla og ekki vitað af því.”

Brad, sem er orðinn 55 ára, hefur átt erfitt undanfarin misseri, með skilnaðinn við Angelinu Jolie og börnin sex og dræmar viðtökur á tveimur nýlegum myndum á borð við War Machine og By the Sea.

Þrátt fyrir að Óskarsverðlaunahafinn sé ekki tilbúinn að hætta í sviðsljósinu er ljóst að hann unir sér ágætlega í býflugnaræktinni.