Margar stjörnur skjálfa nú á beinunum þar sem alræmdasti kynlífsklúbburinn Snctm er til sölu. Óttast þær að myrkustu leyndarmál þeirra líti nú dagsins ljós.
Snctm er nú í söluferli en um er að ræða kynlífsklúbb þar sem meðlimir greiða næstum sem samsvarar 10 milljónum ISK á ári til að svala fýsnum sínum. Þar er hægt að mæta í leyndar orgíur og hittast á leyndum stöðum til að stunda kynlíf með alls konar fólki – allt sem hugurinn girnist.
Nú er óttast að þegar klúbburinn skiptir um eigendur muni persónuupplýsingar fara á flakk.
„Allir eru að fríka út yfir þessu” segir innanbúðarmaður. „Allir meðlimir þurfa að útvega upplýsingar, bæði persónulegar sem og atvinnulegar með myndum þegar þeir sækja um aðild. Einnig þurfa þeir að lýsa sínum leyndustu órum. Ef þetta kemst upp eða fer á dark web – eða á póstlistann þeirra – munu framar og fjölskyldur þessara stjarna vera í rúst.”
Um 100.000 meðlimir eru í klúbbnum.
Ótal stjörnur eru meðlimir. Vitað er um þáttastjórnandann Bill Maher og Gwyneth Paltrow og eiginmann hennar Brad Falchuck.
Gwyn hefur meira að segja auglýst klúbbinn á síðunni sinni Goop.
Snctm er staðsett í víggirtri höll, Tudor Mansion, í Los Angeles. Svo eru haldin sjóðheit pottapartý og grímuböll út um allt, s.s. á tískuvikunni í New York, Miami á Art Basel hátíðinni og í ágúst í Hamptons. Einnig hefur verið sett upp partý í Moskvu og London.
Eigandinn Damon Lawner opnaði klúbbinn eftir að hafa séð Eyes Wide Shut með Tom Cruise og Nicole Kidman. Klúbburinn leiddi þó til hans eigin skilnaðar. Hann játaði að hann hefði getað lifað „afar fullnægjandi” lífi ef hann hefði haldið sig á beinu brautinni en sagði svo: „Þess í stað ákvað ég að fylgja draumunum mínum í hvívetna. Ég brenndi allar brýr að baki mér og einbeitti mér að þessu, þetta er það eina sem skiptir mig máli í þessari veröld.”
Nú segir Damon að hann ætli að láta lyklana að konungdæminu „þeim fyrsta eða fyrstu sem bjóða honum milljón dali í peningum.”
Meðlimir eru (skiljanlega) hræddir – hvert munu upplýsingarnar fara?
„Ef hann tekur því fyrsta sem býðst, gætu upplýsingarnar bara farið eitthvert,” segir innanbúðarmaðurinn.
