Ótrúlegt en satt: Samkvæmt bandarískum miðlum hefur Travis Fieldgrove fúslega játað að hafa stundað kynlíf með konu sem bæði var eiginkona hans og dóttir.

Var hann ákærður og sakfelldur fyrir sifjaspell og settur í fangelsi í tvö ár fyrir að hafa stofnað til sambands við týnda dóttur sína sem hafði samband við hann mörgum árum seinna.

Hinn fertuga Travis var einnig stranglega bannað að hafa samband framar við Samönthu Kershner (21), samkvæmt Omaha Herald.

Parið gekk í það heilaga þann 1 október síðastliðinn í Nebraskaríki.

Samkvæmt DNA rannsókn eru þau náskyld. Samkvæmt eiðsvarinni yfirlýsingu töluðu lögregluyfirvöld við Samönthu og Travis í september eftir að hafa fengið ábendingar um sifjaspell. Þau játuðu bæði að eiga í rómantísku og kynferðislegu sambandi.

Samantha sagði lögreglu frá því að fyrir um þremur árum síðan hafi hún látið móður sína vita að hún ætlaði að hafa uppi á föður sínum.

Móðir hennar benti á Travis og þau ákváðu að hittast. Í þrjú ár áttu þau í feðginasambandi en bæði neituðu að fara út í smáatriði um hvernig sambandið þróaðist frá því eðlilega yfir í kynferðissamband. Þau játuðu þó að stunda kynlíf.

Verjandi Travisar Fieldgrove sagði að hann hann skammaðist sín vegna brotsins og óskaði þess að það hefði aldrei gerst. Einnig var bent á að Travis væri haldinn heilaskaða.

Samantha sagði í fyrstu við lögregluna að hún hafi keppt við hálfsystur sína um hver næði að sofa hjá föður hennar fyrst.

Travis hefur setið í 121 dag í fangelsi og mun sitja í 144 daga til viðbótar.