Meistarakokkurinn og þáttastjórnandinn orðljóti, Gordon Ramsay, hefur nú eignast fimmta barnið með eiginkonu sinni, Tana. Oscar James Ramsay fæddist í dag, þann 4. apríl.
Gordon deildi fréttunum á Instagram með 6,2 milljón fylgjendum: „Eftir þrjú Bafta verðlaun og ein Emmy…loksins höfum við unnið Óskar, vinsamlega bjóðið Oscar James Ramsay velkomnan, sem kom í heiminn 12:58 til að fá sér hádegismat!
Gordon (52) á þegar fjögur börn: Megan, 21, Matilda, 17 og tvíburana Jack and Holly, 19.
Deildi hann óvæntum fréttum á nýársdag, að von væri á fimmta barninu. Þau höfðu gengið í gegnum fósturlát áður, en sonur þeirra lést á fimmta mánuði meðgöngu.
Gleðifréttunum var fagnað mjög af vinum og vandamönnum sem og stjörnum sem sendu þeim kveðju á Insta.
Gordon þakkaði aðdáendum stuðninginn og einnig heilbrigðisstarfsfólkinu á Portland spítalanum. Hann segir þau hjónin afar lánsöm og eru þau afskaplega þakklát fyrir litla kraftaverkið!
