Fréttakonan frækna, Barbara Walters, er orðin 89 ára gömul. Hún er haldin heilabilun á svo alvarlegu stigi að hún þekkir ekki einu sinni sína nánustu vini. Fjölskylda hennar hefur af henni miklar áhyggjur.

Leikkonan Whoopi Goldberg heimsótti sinn fyrrum samstarfsfélaga úr The View, en Barbara mundi engan veginn hver hún var. Það sem verra var að Barbara varð ofsahrædd við Whoopi og hóf stöðug öskur í hennar garð: „Augu Barböru stóðu á stilkum, hún var viti sínu fjær úr hræðslu. Barbara öskraði: „Hver er þetta? Farðu út, farðu út! Hjálpið mér! Farðu út!“ sagði nafnlaus sjónarvottur.

Whoppi fór bara úr herberginu: „Barbara stoppaði ekki. Enginn gat róað hana. Whoppi var í uppnámi yfir þessu.“

Þrátt fyrir að talsmaður Barböru segi að allt sé í góðu er fjölskyldan að undirbúa sig fyrir að kveðja hana. Heilabilunin er á svo alvarlegu stigi að það er erfitt fyrir þau að hitta hana.

Barbara hefur ráðsmann sem hún hefur haft í mörg ár á heimilinu. Hann er víst duglegur að vísa fólki frá húsinu: „Einn hárgreiðslumeistari sem hefur séð um hana í mörg ár hefur ekki fengið að sjá hana í heilt ár. Hún var alltaf með fallegt hár, nú er það hvítt, þunnt og í tagli,“ segir heimildarmaðurinn.

Hún er alla daga í hjólastól, horfir bara út um gluggann. Þetta er mjög sorglegt.

Jenny McCarthy hefur sagt slæmar sögur af Barböru þegar þær unnu saman í The View. Hefur hún ásakað hana um að vera mjög furðuleg í hegðun – annaðhvort öskrandi á hana eða „ofur-almennileg.“