Flestir hafa beðið foreldra sína um hjálp í gegnum tíðina, t.d. spurt: „Mamma/pabbi, getur þú skutlað mér?” eða eitthvað álíka. „Mamma, getur þú hjálpað mér að taka nektarmyndir af mér til að selja á netinu?” er samt spurning sem fæstir foreldrar fá.
Hvernig sem á því stendur hafa mæðgur grætt á slíku samstarfi á tá og fingri, en þær skráðu Beth, dótturina, sem er 22 ára á slíka síðu og þénar hún nú 120,000 sterlingspund á ári (tæplega 19 milljónir ISK) með hjálp móður sinnar.
Beth vann hjá Marks & Spencer fyrir mun minni summu á ári en hefur nú alveg hætt því. Jane, móðir hennar (53) er bara venjulegur bókari, en hún hjálpar dóttur sinni heilmikið.
Beth á nú stóran aðdáendahóp og hefur sett mömmu sína í frí og borgar nú faglærðum ljósmyndara til að taka myndirnar.
„Þegar ég byrjaði fyrst tók mamma af mér myndir á hverjum degi. Hún tók líka þessar grófustu,” segir Beth sem er frá Audenshaw, Greater Manchester, í Bretlandi.
„Ég var fyrst bara í nærfötum og stundum bara í nærbuxum. En svo – því grófari sem myndirnar urðu – því betur leið mér,” segir hún.
„Alltaf þegar ég þarf auka mynd er mamma glöð að ná í myndavélina og taka mynd. Þetta eru samt ekki allra grófustu myndirnar sem hún tekur, það væri yfir strikið,” segir hin frjálslynda Beth.
Beth borgar nú manneskju fyrir að halda utan um vefsíðuna sína og gerir fátt annað en að svala undarlegum fýsnum karlmanna og taka út fé til að gera það sem hana lystir.
„Hún póstar myndunum og svarar skilaboðum. Ég hef í raun ekkert að gera með vefsíðuna. Ég borga einhverjum til að gera það fyrir mig. Þetta er bara frábært. Þeir geta sent mér skilaboð og gefa mér auka þjórfé og þeir geta keypt myndbönd af mér sem þeir eiga einir.”
Beth er algerlega nakin og segir: „Ég nota leikföng, ég veiti einkadansa hér og þar. Allt sem viðskiptavinurinn vill. Ég geri myndbönd í sturtu. Ég hef líka prófað alls konar tegundir titrara og gefið þeim einkunn í myndböndum. Fólk hefur allskonar þarfir. Sumir vilja að ég veini.”
Beth græðir ágætlega á þessu: „Ég tek út pening þegar ég vil, þriðja fjórða hvern dag.” Aðspurð í hvað hún eyði peningunum segir hún að hún versli mikið af fötum: „Ég eyði miklu. Ég held ég eigi 12 liti af sömu Adidas skónum.”
Vonandi hefur Beth þó ekki gleymt að endurgreiða mömmu sinni Jane á einhvern fallegan hátt.
