Fullyrt er af slúðurmiðlum vestanhafs að hjónaband Amal og George Clooney hangi á bláþræði. George hefur ekki sést með tvíburunum opinberlega í 200 daga.

Ella og Alexander hafa verið mynduð með móður sinni, hinum glæsilega lögfræðingi Amal, en ekki með föður þeirra.

„George og Amal hafa verið að takast á um lífsstíl þeirra, hann er afar ólíkur. Undanfarna mánuði hefur alltaf verið rætt um skilnað,“ segir nafnlaus innanbúðarmaður; „Hún er öll í viðskiptunum, hann er alltaf að skemmta sér. Þau eru eins og olía og vatn – blandast ekki saman. Talað er um forræðisbaráttu vegna tvíburanna.“

Til að bæta olíu á eld hefur parið ekki sést saman opinberlega síðan 11. ágúst 2018. Amal mætti ekki í hrekkjavökupartý tekílafyrirtækis Georges, Casamigos í Las Vegas í fyrra og þau voru ekki saman á fjögurra ára brúðkaupsafmælinu þeirra.

„Hann var að djamma í L.A. með vinum sínum, en hún var á ráðstefnu Sameinuðu þjóðanna og var með börnin hjá sér. Allir eru að tala um að George hafi sagt við Amal að hann vilji ekki vera giftur henni lengur!“

Amal dvelst nú á Sardiníu, Ítalíu, í höll þeirra hjóna. Hjónin hafa því ekki búið saman í einhvern tíma.

„George er mikið að djamma og hanga með Rande Gerber (eiginmanni Cindy Crawford og viðskiptafélaga). George elskar að vera miðpunktur athyglinnar og það hjálpar honum að gleyma vandamálunum heima við.

Ef um skilnað verður að ræða mun George þó vilja vera hluti af lífum barnanna: „Hann þekkir nokkra bestu lögfræðinga í L.A. og ætlar að sanka að sér her til að halda milljörðunum sínum og tvíburunum. Amal er þó harðskeyttur lögfræðingur sjálf. Hún mun að öllum líkindum berjast um á hæl og hnakka til að fá fullt forræði. Þetta gæti orðið ljótt!“