Nýgift kona varð fyrir miklu áfalli þegar hún áttaði sig á að eiginmaðurinn væri ekki að halda framhjá, heldur var hann barnaníðingur. Michelle Power (47) varð afar bilt við þegar hún fór í gegnum síma mannsins sem hún hafði nýlega gengið að eiga og sá hundruðir mynd af börnum í ógeðfelldum athöfnum. Hafði Michelle talið að James Wright (58) væri að halda framhjá henni því skyndilega missti hann allan áhuga á kynlífi með henni, skömmu eftir giftinguna.

Michelle renndi í grun að James væri sennilega að hitta aðrar konur en grunaði aldrei að hún myndi finna þvílíkan viðbjóð.

Eftir þessa viðbjóðslegu uppgötvun fór hún til lögreglunnar og James var fangelsaður í tvö ár fyrir myndirnar.

Michelle segir: „Mig fór að gruna að hann væri að standa í framhjáhaldi. Ég varð mjög tortryggin þegar ég sá að hann var stöðugt í símanum. Hann var sem límdur við skjáinn. Þegar ég spurði hann hvað hann væri að gera hnussaði hann bara og sagðist vera á Facebook. Hann var samt hálfpartinn sakbitinn og slökkti alltaf á símanum þegar ég kom inn í herbergi.“

Þegar James uppfærði símann notaði Michelle tækifærið: „Hjartað á mér sló ótrúlega ört og ég bjóst við að finna gróf skilaboð sem ég og gerði…nema hvað þetta var ekki frá öðrum konum. Þetta voru skilaboð frá óþekktum númerum og þegar ég smellti á þau voru þetta ógeðfelldari myndir en ég hefði nokkurn tímann getað ímyndað mér. Ég gat varla andað þegar ég sá þetta. Þetta voru myndir af mjög ungum börnum sem voru misnotuð. Ég fylltist viðbjóði.“

„Ég sagði lögreglunni allt. Ég var mjög hrædd og svo handtóku þeir James. Hann sagði við lögregluna: „Ég veit ég ætti ekki að vera að gera þetta.“
Michelle man eftir að hafa komið heim og sá brúðarmyndirnar á arinhillunni: „Ég horfði á hann á myndinni og hugsaði hver fjandinn þessi maður væri, sem ég hafði skipst á heitum við. Það var ógeðslegt til þess að hugsa að ég elskaði og treysti þessum manni.“

Þau Michelle og James gengu í það heilaga árið 2013 en kynlífið var skyndilega að engu eftir hveitibrauðsdagana á grísku eyjunni Zante.

Michelle segir: „James var mjög heillandi en hann hafði engan áhuga á mér kynferðislega. Kynlíf með honum voru vonbrigði og ef ég reyndi að ræða það lokaði hann sig af. Nú veit ég ástæðuna, hann sótti í kynferðislega örvun á dimmari stöðum. Ég er bara glöð að hann er bakvið lás og slá – hann hefur eyðilagt mörg líf.“

James fékk tveggja ára dóm fyrir vörslu og dreifingu mynda barna frá ungabörnum til sex mánaða barna. Dómarinn sagði: „Í hvert skipti sem mynd af þessu tagi er deilt og er horft á af fullorðnum er verið að misnota barnið aftur og aftur.“