Randy Fowler, bróðir Kevins Spacey, ber hann saman við skrímsli á borð við Harvey Weinstein og Bill Cosby sem báðir eru kynferðisafbrotamenn. Segir hann ennfremur að bróðir hans, af holdi og blóði, sé jafnvel enn skelfilegri.
„Þetta snýst ekki bara um kynferðislegan unað hjá honum, heldur valdið,“ segir Randy í viðtali við Radar. „Hann er í raun verri en Weinstein og hann er verri en Bill Cosby!“
Síðan Kevin var fyrst ásakaður um kynferðisárás hafa margir fleiri komið fram og sagt að hann hafi hegðað sér óviðurkvæmlega í þeirra viðurvist. Sumar ásakanirnar eru um 30 ára gamlar.
Spacey mætti fyrir rétt þann 7. janúar síðastliðinn, eins og Sykur greindi frá, en þar var hann ákærður fyrir að áreita 18 ára dreng árið 2016.
„Hann er opinber persóna sem hefur nýtt sér fólk vegna áhrifanna, peninganna og þeirri staðreynd að hann sé kvikmyndastjarna,“ segir Randy (62).
