Twilight leikkonan Kristen Stewart var „illa brennd“ af fyrrverandi kærustunni sinni Stellu Maxwell og er nú orðin mjög náin nýrri kærustu að nafni Sara Dinkin.

„Kristen finnst Stella hafa farið mjög illa með hana. Hún vill ekkert með hana hafa núna því hún veit að Stella var að nota hana til að koma sjálfri sér á framfæri,“ sagði vinur leikkonunnar í viðtali við Radar.

Stella og Kristen (báðar 28 ára) hafa ekki verið saman síðan í október í fyrra. Sögðu margir við Kristen að Stella væri með „frægðarþráhyggju“ og hún væri bara að nota hana: „Allir sögðu henni það, hún bara trúði því ekki.“

Minna en viku eftir sambandsslitin sást Kristen láta vel að Söru sem er stílisti í Los Angeles. Þær fögnuðu jafnvel jólunum saman: „Þær skemmta sér mjög vel. Þær ná vel saman og eyða öllum dögum og nóttum saman. Kristen hefur grínast með að þær fari að búa fljótlega.“