Barn Harry og Meghan er ekki fætt enn en Kim Kardashian er í óða önn að undirbúa svakalega gjöf til þeirra. Samkvæmt nafnlausum heimildarmanni vill Kim ekkert frekar en að hún og Meghan nái saman og verði nánar.

„Kim er sannfærð um að hún og Meghan verði bestu vinkonur einn daginn. Þetta er langtímaverkefni í hennar huga og hún er ákveðin í að reyna að heilla hana þegar tækifæri gefst. Hún hefur verið að rannsaka ýmsar barnavörur, svo sem skartgripi fyrir börn og kristalljósakrónur í barnaberbergið ásamt barnafötum þekktra hönnuða.

Eins og flestir vita eiga Meghan (37) og Harry (34) von á barni næsta vor.

„Kim telur þetta fullkominn tíma til að minna Meghan og Harry á að hún og Kanye eru vingjarnlegt, einlægt og hugulsamt fólk og hún vill láta þau muna eftir sér með einhverju stórkostlegu.“