Vinir Roberts De Niro anda nú léttar fyrir hans hönd eftir skilnaðinn við Grace Hightower, en það hjónaband var afar stormasamt. Vinir hans segja að hún hafi gert líf hans ömurlegt undanfarin ár: „Hún var honum gríðarlega erfið og stjórnaði bæði fjármálunum og kvikmyndaframleiðslufyrirtækinu þeirra. Hún setti honum ýmsar reglur sem hann gat ekki farið eftir,“ segir vinur hans nafnlaust í viðtali við Radar.
Robert (72) er sagður heppinn að sleppa úr þessu sambandi: „Grace stjórnaði öllu og hann ætti skilið medalíu að hafa þraukað þetta svona lengi.“
Áður en skilnaður var ákveðinn er Grace sögð hafa stjórnað 20 ára hjónabandi þeirra með „járnhnefa.“
„Þar sem bæði nöfn þeirra voru tengd góðgerðamálum vildi hún að hann liti „virðulega“ út í augum almennings. Það þýddi að raka sig reglulega og fara í klippingu en hann elskar að vera dálítið grófur. Hún vildi heldur ekki að hann hengi með vinum sínum eins og Marty (Scorsese), Leo (DiCaprio), Harvey (Keitel) og Keith (Richards).“
Hann fékk aldrei frið: „Hann þurfti að hringja af setti tvisvar á dag eins og hann væri í vinnu hjá henni.“
Að hjónin skyldu skilja var sennilega það besta fyrir þau bæði, telja vinir þeirra.
