Selena Gomez líður betur tilfinningalega í dag heldur en í langan tíma áður. Hún er því að þyngjast, eitthvað sem hún þurfti sárlega á að halda: „Hún er að einbeita sér að andlegu jafnvægi, ekki megrun,“ segir nafnlaus. heimildarmaður í viðtali við Radar. „Hún hefur verið með heilbrigðari matarlyst og -venjur en áður og fær sér þrjár máltíðir á dag ásamt millimáli.“

Selena (26) fór í meðferð í október til að ná sér eftir andlegt niðurbrot. Var hún þar í mánuð að eiga við tilfinninga- og andlegan vanda. Nú einbeitir hún sér að heilsunni og er alveg sama þó hún hafi bætt á sig kílóum: „Hún var vön að fara í ræktina, en hefur ekki farið núna í margar vikur.“

Hvít blóðkornatala hennar var lág eftir að hafa fengið nýra. Hún hefur verið opin með kvíðavanda og þunglyndi í fortíðinni. Hún átti einnig erfitt með fréttirnar að Justin Bieber hafi kvænst Hailey Baldwin. Nú horfir hún björtum augum á framtíðina: „Hún er að einbeita sér að lífinu og vera heilbrigð. Hún forðast fjölmiðla og samfélagsmiðla sem gera ekkert annað en að dæma hana.“