Fjölskylda Johnny Depp er í öngum sínum þessa dagana, þar sem stjarnan er örvæntingarfull að selja býlið sitt og henda þeim út á götu. Hestabúgarðurinn Betty Sue´s Family Farm er eign Johnnys og er staðett í Lexington, Kentuckyríki. Johnny reyndi að selja það á uppboði fyrir 2,9 milljónir dala á dögunum en það datt uppfyrir. Nú er hann að reyna að fá 1,6 milljónir fyrir það.

Móðir Johnny, Betty Sue Palmer, lést árið 2016 og hafa systir hans Debbie Rassel (62) og eiginmaður hennar fengið að búa þar, þangað til núna. Þau vita ekkert hvert þau munu fara, samkvæmt Debbie sem er ekki í neinu sambandi við Johnny. Eftir að móðir þeirra dó hafa þau ekki átt í miklum samskiptum en þau lentu í rifrildi.

Langmest af þeim 650 milljónum dala sem Johnny átti eru farnar. Hann hefur átt í ýmsum málaferlum, m.a. við fyrrverandi eiginkonu og umboðsmenn sína.