Khloe Kardashian býr sig nú undir frekar dapurleg fyrstu jól dóttur sinnar True. Eins og flestum sem fylgjast með slúðri er kynnugt er barnsfaðir hennar framhjáhaldarinn Tristan Thompson og er Kardashian klanið orðið dauðþreytt á honum og að vera í stöðugri „sálfræðimeðferð“ með Khloe vegna þess.

Tristan fær aðeins tveggja daga frí með Cleveland Cavaliers en hann er leikmaður þar – í desember, snemma í mánuðinum og svo á nýársdag og er það ekki til að bæta samband þeirra.

„Khloe þurfti að endurupplifa svik Tristans í þáttunum Keeping Up with the Kardashians, og það hefur tekið mikið á“ segir heimildarmaður í viðtali við Radar. „Þrátt fyrir að hún hafi ákveðið að vera með honum er hún alltaf af efast og nú mun hann ekki einu sinni vera heima yfir hátíðarnar.“

Til að gera málin enn flóknari er þetta fyrsta þakkargjörðarhátíð True og jól. Khloe (34) verður að ákveða sig hvort hún ætlar að eyða hátíðunum í Cleveland eða í Kaliforníu með fjölskyldunni: „Hún er honum enn reið og fjölskyldan vill ekki hafa hann með.“

„Systur Khloe eru komnar með ógeð á óákveðni hennar varðandi Tristan og þær eru alltaf að ýta á að hún taki einhverja ákvörðun. Hún er búin að draga þetta svo lengi og þær eru þreyttar á að vera í sálfræðihlutverki gagnvart henni meðan hún er upp og niður. Þrátt fyrir að þær styðji hana alltaf eru þær auðvitað á því að hún eigi að hætta með þessum drullusokki.“