Allar vonir Brad Pitt um að ná aftur í MIT prófessorinn Neri Oxman eru orðnar að engu þar sem hin ofurklára og flotta kona hefur játast öðrum. Bill Ackman, milljarðamæringur, bað um hönd hennar og hún sagði já. Neri er ísraelskur arkitekt og prófessor hjá MIT. Bill opinberaði fréttirnar á fjárfestaráðstefnu í New York fyrir skömmu.

Eins og lesendur Sykurs vita, var Brad afskaplega hrifinn af Neri og hafði hann miklar hugmyndir um framtíð þeirra saman. Í sumar varð Neri þó afar náin Bill og var alveg ljóst að hún var hrifnari af Bill en Brad. Brad hafði þó ekki hug á að láta hana sleppa og hefur „hringt í hana stanslaust.“

Þrátt fyrir að Neri hafi haldið áfram hefur hún ekkert nema gott um Brad að segja og kallaði hann „síðasta móhíkanann í post-Netflix Hollywood“ því hann „færir saman tímanlegt og tímalaust.“