Meghan Markle, kanadíska leikkonan sem gekk að eiga Harry Bretaprins var „full viðbjóðs“ þegar hún var látin undirgangast frjósemispróf fyrir giftinguna. Var því fyrirskipað af Elísabetu drottningu.
Innanbúðarmenn í höllinni segja að Meghan hafi verið „niðurlægð“ og henni fannst „árás hafa verið gerð í einkalíf hennar“ áður en hún gekk í konunglegu fjölskylduna. Þurfi hún að fara í allskonar próf og egg hennar metin – til að ganga úr skugga um að hún væri „heppileg til barneigna.“ Þetta þurfti allt að fara fram áður en brúðkaupið átti sér stað, þann 20. maí síðastliðinn.
„Meghan var full viðbjóðs þegar henni var gert að mæta í frjósemispróf,“ segir nafnlaus heimildarmaður. „Hún var þó svo einbeitt að ganga í fjölskylduna að hún gekk að skilmálunum. Það er kaldhæðnislegt þar sem Meghan hefur á undanförnum árum markaðsett sig sem talskonu réttindabaráttu kvenna.“
„Prófið small í andlit hennar vegna þessar ímyndar að konur ættu að vera sjálfstæðar og sterkar.“
Meghan var gerð grein fyrir að hún ætti að láta frysta egg og hún var þögul þar til það átti sér stað: „Nú er klukkan að tifa fyrir hana og Harry að eignast barn.“
Drottningin hefur þó eina ósk: Að Meghan eignist að minnsta kosti þrjú börn!
„Fyrir brúðkaupið sagði Meghan Harry að hún vildi bara tvö börn. Kate og William voru gagnrýnd fyrir að eignast þrjú börn í „nú þegar offjölguðum heimi,“ segir þessi heimildarmaður.
