Hinir nýbökuðu foreldrar, Khloe og Tristan, eiga í stöðugum deilum vegna fjármála þessa dagana. Hefur Khloe grátbeðið Tristan um að leyfa mömmu hennar, Kris Jenner, að sjá um fjármálin hans.

„Khloe vill að Tristan leyfi Kris að ráðstafa hans fé,“ segir nafnlaus innanbúðarmaður. „Henni finnst hann eyða allt of miklu í skartgripi, bíla og eitthvert heimskulegt drasl.“

Einnig finnst Khloe Tristan gefa barnsmóður sinni, Jordan Craig, „allt of mikinn pening,“ en þau eiga soninn Prince sem er að verða tveggja ára.

Tristan brást ókvæða við eins og margir kunna kannski að skilja: „Tristan finnst hún vera klikkuð og sagði henni að hann gæti alveg séð um sína aura sjálfur. Hann var líka móðgaður að henni skildi detta í hug að spyrja. Honum finnst hún vera að leita leiða til að festa hann í Kardashian vefnum.“

Khloe hefur reynt að segja honum að hún vilji honum aðeins það sem er honum fyrir bestu.