Tristan Thompson (27) var í Toronto, Kanada í körfuboltabúðum að kenna þann 9. ágúst síðastliðinn. Í teymi hans var ung og kynþokkafull kona og sagði starfsmaður Toronto Pan Am Sports Centre: „Þau litu út fyrir að vera meira en vinir því hann var með höndina á mjóbaki hennar þegar þau komu hingað. Það er augljóst að eitthvað er í gangi.“

Segir sjónarvotturinn að konan hafi verið sérlega aðlaðandi: „Hún var gullfalleg, ung og leit út fyrir að vera fyrirsæta. Hann var greinilega mjög spenntur að eyða tíma með henni en hún beið í búningsherberginu meðan hann var að kenna. Um leið og hann var búinn, á sömu mínútu, fór hann aftur til hennar.“

Fréttirnar eiga eflaust eftir að koma Khloe í uppnám. Khloe (34) er enn „afskaplega sorgmædd“ vegna framhjáhalds Tristans og er að reyna að láta sambandið ganga þrátt fyrir allt.

„Hún getur ekki klippt á strenginn og finnur alltaf einhverjar afsakanir fyrir því að fara ekki frá honum, þó hausinn á henni segi henni að það sé ekki rétt að vera með honum. Hún hefur jafnvel reynt að pakka saman og fara mörgum sinnum og flytja inn með fjölskyldunni en þegar kemur að því að taka af skarið getur hún það ekki,“ segir vinur hennar í nafnlausu viðtali við Radar.

Á meðan Tristan hjúfraði sig upp að konu í Toronto var Khloe að fagna 21 árs afmæli Kylie í Los Angeles.