Leikarinn og hjartaknúsarinn Pierce Brosnan hefur verið giftur Keely Shaye Smith í 25 ár. Á hvíta tjaldinu er hann dálítð ódæll á köflum en hann er í raun yfir sig ástfanginn af eiginkonu sinni og hún af honum.

Keely og Pierce hittust fyrst á Cabo San Lucas árið 1994. Þá vann hún sem fréttakona og hitti Pierce í partýi eftir að hafa tekið viðtal við Ted Danson. Sjö árum seinna gengu þau í það heilaga.

Þau segja að lykillinn að góðu hjónabandi sé gæðatími með hvort öðru: „Við fórum um daginn til Santa Barbara – rómantísk helgarferð og við skoðuðum hús og drukkum æðislegt vín. Við hlustuðum ekki á tónlist, bara rödd hvors annars og pældum í heiminum.“

Pierce, sem er fæddur á Írlandi segir að uppáhaldið við Keely sé eldmóður hennar: „Hún hefur þennan styrk sem ég gæti ekki lifað án. Þegar hún horfir á mig, blikna ég.“

Þau eiga tvo syni, Dylan (21) og Paris (17).