Hertogaynjan af Sussex, Meghan Markle, er afar döpur því draumurinn hennar hefur verið eyðilagður: Hún má ekki vera fyrst í konungsfjölskyldunni til að hlaupa London maraþonið.
Meghan, sem elskar að hreyfa sig, fannst það vera góð hugmynd að taka þátt í hlauðinu til að safna milljónum dollara fyrir góða málefni. Það hefur hinsvegar verið slegið út af borðinu að hún sjáist svitnandi í hlaupinu, 42 kílómetra.
Sagt hefur verið að áhyggjur hafi komið upp þar sem hún væri að taka mikla áhættu með því að hlaupa meðal almennings.
Meghan er sögð vera reið þessum fregnum og segir að öryggisgæslan sé „rugl“ og hún sé „óþægilega meðvituð“ um að vera orðin „ósnertanleg.“
Er þetta mikill viðsnúningur fyrir Meghan sem átti til að blogga um kynlíf og gefa til kynna hvað fari fram þegar kynlífssenur eru teknar upp, t.d. í þáttunum sem hún lék í, Suits.
Einnig er mikið vesen og skaðaminnkun í kringum föður hennar, Thomas Markle, sem var í viðtali um helgina og sagðist hann hafa áhyggjur af því að hún myndi deyja á sama hátt og Díana prinsessa og að fjölskyldan væri að „kæfa“ hana.
Vinur Meghan hefur sagt að Meghan elski frelsið meira en allt annað: „Hún vildi ekkert frekar en taka þátt í maraþoninu til að sýan öllum að hún er sín eigin kona og tekur ekki við skipunum frá konungsfjölskyldunni. Hún var sérstaklega einbeitt því faðir hennar er henni til skammar og segir að hún sé undir hælnum á fjölskyldunni.“
Bauðst hún meira að segja til að hlaupa hluta af leiðinni til að afla fé fyrir World Vision, sem er stærsta góðgerðastofnun heims og styður börn. Ef hún mætti hlaupa gæti hún safnað fúlgum fjár. Á slíkt er hinsvegar ekki hlustað.
Harry, Willam og Kate hafa einnig ekki fengið leyfi til að hlaupa í maraþoninu. Drottningin er sögð taka fyrir allt slíkt, því ekki megi þau sjást „másandi og hvæsandi“ að hlaupa meðal almennings. Vildu þau öll afla fé til góðgerðamála sem styðja geðheilsu.
Sagt er að Meghan sé nú þegar orðin þreytt á endalausum bönnum og boðum og muni gera uppreisn fyrr en seinna. Hún hefur fengið bakaðgang að jógastúdíóinu sínu til að ekki sjáist til hennar í níþröngum jógabuxum…
