Maður eyðilagði stjörnu forsetans á Hollywood Walk of Fame í Los Angeles, Kaliforníuríki, aðfaranótt miðvikudagsins 25. júlí. Hafði hann framið verknaðinn með haka. Sagði hann í viðtali við CNN að hann gerði þetta til að safna fé fyrir þær konur sem Donald hefði áreitt kynferðislega og sagði að margir í hans fjölskyldu væru fórnarlömb kynferðislegs ofbeldis.

Maðurinn er nú í haldi lögreglu og er í yfirheyrslum.

Gekk hann hreint til verks og setti upp hindranir, eins og hann væri í vinnunni.

Stjarnan hefur fengið slæma útreið og samkvæmt Francisco Javier, sem klæðir sig upp sem Súpermann og skemmtir á götunni, hrækir fólk oft á stjörnuna, sparkar í hana og hefur ýmislegt annað verið gert við hana til að sýna andúð sína á forsetanum.