Angelina Jolie dýrkar ofurhetjuleikarann Robert Downey Jr. og elskar að þau eiga svipaða sögu – bæði voru þau áttavillt á yngri árum en eiga nú frábært líf. „Iron Man“ og „Tomb Raider“ eiga því margt sameiginlegt og hafa hist í tvígang í London til að bera saman bækur sínar.

Sagt er einnig að Angie sé pínu skotin í Robert, en hún vill einnig vinna með honum að bíómynd: „Þau hafa verið að tengjast mikið og hann er svo myndarlegur að hún fær fiðrildi í magann,“ segir ónafngreindur vinur stjörnunnar.

Robert er þó hamingjusamlega giftur Susan og þau eiga tvö börn, Exton Elias og Avri Roel.

Angelina er fræg fyrir að hafa „stolið“ Brad Pitt frá Jennifer Aniston þegar þau tóku upp myndina Mr. & Mrs. Smith: „Angie veit hvernig hún fær sínu fram og daðrar mjög. Því miður fyrir hana er Robert mjög trúr konu sinni þannig þetta skot er algerlega einhliða.“