Sports Illustrated fyrirsætan Kate Upton tilkynnti meðgöngu sína á Instagram en hún gengur nú með sitt fyrsta barn. Kate sem er 26 ára er gift hafnaboltaspilaranum Justin Verlander og virðast þau afskaplega hamingjusöm.
Pósturinn á Instagram sýndi litla bumbu í rauðri dragt með yfirskriftinni: PregnantInMiami.
Kate og Justin tilkynntu um trúlofun sína á rauða dreglinum á Met Gala árið 2016 og gengu þau í það heilaga í nóvember 2017.
Gaf hún til kynna að hún hefði fréttir að færa í apríl 2018 með Instagrampósti sem sýndi hana í skugga og sagði: „You’ll find out soon enough.“ Í febrúar 2017 sagði hún að hún vildi börn en sagði að þau myndu ekki fara í það alveg strax, ekki nema það væri slys.
Kate hefur gert það gott í fyrirsætubransanum að undanförnu og er eflaust tilbúin að hefja nýtt hlutverk sem móðir.
