Family Feud kynnirinn Steve Harvey (61) sér fram á ótrúlega kostnaðarsama skilnaðardeilu við konu sína Marjorie (43) þar sem hún fór frá honum þar sem hann var orðinn „of náinn“ vinkonu sinni Kris Jenner.
Steve og þriðja eiginkona hans, Marjorie, fluttu frá Atlanta til Los Angeles í fyrra til að hefja feril hans sem spjallþáttastjórnanda.
Samkvæmt innanbúðarmönnum var Steve þó aðeins of ákafur að nýta sér sambönd sín við Kris Jenner og töluðu þau endalaust saman í síma og sendu skilaboð stanslaust. Marjorie fékk nóg: „Þau rifust mikið og Marjorie fór út af heimilinu, hótandi skilnaði,“ segir nafnlaus heimildarmaður í viðtali við Radar.
„Það er ekki séns hún myndi leyfa honum að hanga með „mannætu“ á borð við Kris – sérstaklega þar sem hann hefur sannað aftur og aftur að honum er ekki treystandi.“
Um daginn fór klanið í Family Feud þáttinn þar sem Kanye skemmti sér vel.
Þó segja kunnugir að Kris hafi engan áhuga á Steve þannig. Hún vill bara nýta sér hann til að auka sínar eigin vinsældir og fjölskyldunnar: „Kris er vissulega á eftir Steve…í viðskiptalegum skilningi. Hún dáist að velgengni hans í sjónvarpi og vill læra öll leyndarmálin.“
Kris hefur oft reynt að framleiða aðra sjónvarpsþætti, en enginn hefur slegið í gegn eins og KUWTK. Steve á annað borð hefur sýnt að hann hefur mikið að segja þegar kemur að þáttum. Þessvegna vill Kris fá hjálp hans.
Marjorie er þó ekki ánægð með þetta eins og áður sagði. Póstaði hún nokkrum myndböndum af sjálfri sér í ræktinni með heitum einkaþjálfara á Instagram. Nokkrum dögum seinna bauð Steve henni í rándýrt ferðalag til Evrópu þar sem engu var til sparað.
„Steve er ekki við eina fjölina felldur og hann elskar konur!“ segir fyrum starfsmaður hans. „Hann hefur haldið framhjá og Marjorie veit að hann gæti gert það aftur. Hún þekkir veikleika hans og veit allt um hann. Þessvegna fylgist hún svo grannt með.“
Steve fór frá fyrstu eiginkonu sinni, Marciu, árið 1990 þegar hún var ólétt og flutti inn með Mary Shackelford sem varð eiginkona hans árið 1996. Áður en þau sóttu um skilnað fór Steve frá Mary árið 2005 til að vera með Marjorie og Mary hefur aldrei fyrirgefið honum. Í fyrra fór hún fram á 60 milljónir dollara í bætur vegna framhjáhalds og endaði hún á geðsjúkrahúsi.
