Ekki nógu „heit?“ Kourtney Kardashian er eina af fimm dætrum Kris Jenner sem komst ekki á Maxim Hot 100 listann með flottustu konum heims og hún er ekki ánægð.

Raunveruleikastjarnan sem verður fertug á næsta ári er víst „í ofboðslegu uppnámi vegna þessa þar sem hún telur sjálfa sig vera stóra stjörnu,“ segir nafnlaus heimildarmaður í viðtali við Radar: „Kourtney skilur hreinlega ekki hvernig Maxim gat sleppt henni af listanum en hinar eru inni, þ.e. þær Kim, Khloe, Kendall og Kylie.“

„Kendall og Kylie hafa ekki verið frægar jafn lengi og hún þannig hún er virkilega undrandi,“ segir þessi heimildarmaður sem er náinn Kardashian klaninu.

Eins og aðdáendur hennar vita hefur hún reynt allt til að halda sér í sviðsljósinu síðan hún skildi við Scott Disick – m.a. fundið sér yngri mann og svo póstar hún daglega sexí sjálfum af sér á samfélagsmiðla.

Kourtney kennir þó ekki sjálfri sér um, heldur mömmu sinni! „Hún áfellist Kris fyrir að gefa henni ekki eigið fyrirtæki eins og hún hefur gert fyrir allar hinar dæturnar. Hún áfellist reyndar sjálfa sig líka fyrir að halda að hún sé svo „heit“ þegar hún er það ekki, í rauninni.“